У Брэсце адзначаць дзень нараджэння Джона Ленана
Па традыцыі брэсцкія прыхільнікі творчасці Ленана і гурта The Beatles збяруцца 9 кастрычніка ў "Рок-кафэ". Там пройдзе караоке-вечарына.
Сёлета акрамя тэматычнага кавер-канцэрту ад брэсцкіх рок-гуртоў кожны ахвочы зможа праспяваць пад жывы акампанемент ці акапэльна ўлюбёны твор са спадчыны музыкі.
Арганізатары адзначаюць, што будзе не зусім прыгожа, калі хтосьці захоча праспяваць, да прыкладу "Yesterday", якую напісаў Пол Макартні, а не Ленан. Таму на адмысловай старонцы "ВКонтакце" даецца спіс твораў Джона Ленана.
