У Глыбокім з’явілася жалезнае "Дрэва кахання" (фота)
Гэта ўжо другое жалезнае дрэва з пластыкавым лісцем у Глыбокім.
Дрэва паставілі каля дзіцячай пляцоўкі над возерам. “Над дрэвам “кахання” шчыравалі работнікі мясакамбіната і папраўчай калоніі”, — піша глыбоцкая раёнка.
Першае дрэва, якое назвалі "Дрэвам жаданняў", усталявалі месяц таму на супрацьлеглым беразе возера. Паводле версіі глыбоцкага начальства, выказанай у раённай газеце, дастаткова прыхінуцца да гэтага дрэва і загадаць жаданне — і яно адразу збудзецца.