На бабруйскім заводзе БПД абвяргаюць чуткі пра масавыя звальненні
У інтэрнэце з'явілася інфармацыя пра масавыя звальненні на бабруйскім заводзе БПД (буйнапанэльнага домабудавання).
Паводле звестак Бабруйскага рэгіянальнага парталу, за апошні час з завода звольніліся каля 800 рабочых, а гэта каля паловы работнікаў. Прычынай называюцца нізкія заробкі — каля 600 тысяч рублёў.
У аддзеле кадраў заводу карэспандэнту заявілі, што масавых звальненняў тут няма:
Аддзел кадраў: “На сённяшні дзень у нас звольнена 355 чалавек з пачатку года. 102 чалавек мы прынялі. З гэтых 355 недзе 300 звольненыя паводле пагаднення бакоў”.
Пераважна людзі звальняюцца, каб паехаць на працу ў Расію, кажуць кадравікі.
