Еўранэст пачынае працу без прадстаўнікоў Беларусі
Паседжанне першай сесіі Парламенцкай асамблеі Ўсходняга партнёрства (Еўранэст) адкрываецца 14 верасня ў Страсбургу.
На ёй сустрэнуцца чальцы Еўрапарламента і прадстаўнікі краін-сябраў Усходняга партнёрства. Беларусь не будзе прадстаўленая на гэтай сэсіі Еўранэст. Прэзідэнт Еўрапарламенту Ежы Бузек неаднаразова аргументаваў гэта фальсіфікацыяй выбараў 19 снежня 2010 года, а таксама наяўнасцю ў краіне палітвязняў. Беларускія парламентарыі змогуць далучыцца да Асамблеі, як толькі і іх краіне будуць праведзеныя свабодныя і справядлівыя выбары, лічыць Ежы Бузек.
Беларускія парламентарыі ў сваю чаргу заяўлялі, што не будуць прыслухоўвацца да рашэнняў і высноваў, якія зробяць на сесіі Парламенцкай асамблеі Ўсходняга партнёрства.
