У Гродне пачалася чырвона-зялёная “контррэвалюцыя”
Па горадзе актыўна распаўсюджваюцца налепкі з надпісам “Моладзь Гродзеншчыны супраць “Аранжавай рэвалюцыі” у Беларусі!”
Налепкі ў колерах афіцыйнага дзяржаўнага сцяга з’яўляюцца на заднім шкле гарадскіх аўтобусаў і на дзвярах розных устаноў. Апрача лозунга “Моладзь Гродзеншчыны супраць “Аранжавай рэвалюцыі” ў Беларусі!” на налепцы змешчаны адрас старонкі адпаведнай групы ў сацыяльнай сетцы “Вконтакте”.
“Мы зусім не фанаты Лукашэнкі. Мы супраць прыходу да ўлады купкі кампрадораў і рабаўнікоў. Мы супраць рабавання краіны чужымі дзядзькамі”, — значыцца ў апісанні віртуальнай групы.
Тут таксама можна сустрэць шмат тэмаў, дзе абмяркоўваецца сеткавы тролінг супраць апазіцыянераў.